ପ୍ରଦୂଷଣ ରୋକିବାକୁ ରାଜଧାନୀ ଫାଇଟର

0

ଓଡ଼ିଶା ଫାଷ୍ଟ(ବ୍ୟୁରୋ): ରାଜଧାନୀ ଭୁବନେଶ୍ବର ଆଜି ମଟର ଯାନର ହବ ପାଲଟିଛି। ପ୍ରତିଦିନ ଲକ୍ଷ ଲକ୍ଷ ମଟର ଯାନ ଯିବା ଆସିବା କରୁଛି। ମାତ୍ରାଧିକ ମଟର ଯାନ ଚଳାଇବା ଫଳରେ ରାଜଧାନୀ ରେ ବାୟୁ ପ୍ରଦୂଷଣ, ଶବ୍ଦ ପ୍ରଦୂଷଣ ବଢ଼ିବାରେ ଲାଗିଛି ,ଯାହା ଆଗାମୀ ଭବିଷ୍ୟତ ପାଇଁ ଚିନ୍ତାର ବିଷୟ। ସମସ୍ତ ବୁଦ୍ଧିଜୀବୀ ଏହା ଜାଣି ମଧ୍ୟ ନିରାଵଦ୍ରଷ୍ଟା ସାଜିଛନ୍ତି। ଯଦି ଏହାକୁ ଆୟତ କରାନଯାଏ ତେବେ ଦିଲ୍ଲୀ ଭଳି ଅବସ୍ଥା ଆଉ ବେସି ଦୁର ନୁହେଁ ।
ଏହାକୁ ଆଖି ଆଗରେ ରଖି ରାଜଧାନୀ ର ବିଭିନ୍ନ ସାମାଜିକ ସଂଗଠନ , ଓ ଯୁବକ ଯୁବତୀ ମାନଙ୍କୁ ନେଇ ଗଢିଉଠିଥିବା ରାଜଧାନୀ ଫାଇଟର ଏକ ସାଇକେଲ ସଚେତନତା ଶୋଭାଯାତ୍ରା ମାଷ୍ଟର କ୍ୟାଁଟିଂ ଛକଠାରୁ କଳ୍ପନା ଛକ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଶବ୍ଦ ପ୍ରଦୂଷଣ ଓ ବାୟୁ ପ୍ରଦୂଷଣ ରୁ ରାଜଧାନୀ କୁ ମୁକ୍ତିଦେବା ।ଛୋଟ ଛୋଟ କାମରେ ବାହାରକୁ ଗଲେ ସାଇକେଲ ଚଳାଇବା , ରାଜଧାନୀ କୁ ପରିଷ୍କାର ପରିଛନ୍ନ ରଖିବା। ଗାଡି ଚଳାଇବା ବେଳେ ହେଲମେଟ ପିନ୍ଧିବା। ରାଜଧାନୀ ରେ ଯେତେ ମାତ୍ରାରେ ବୃକ୍ଷ ଲଗାଇବା ଆଦି ବାର୍ତ୍ତା ଦେଇ ଶୋଭାଯାତ୍ରା ଅନୁଷ୍ଠିତ ହୋଇଥିଲା ।
ଓଡିଶା ସମାଜସେବୀ ମହସଙ୍ଘର ରାଜ୍ୟ ସଭାପତି ତଥା ରାଜଧାନୀ ଫାଇଟରର ମୁଖ୍ୟ ପରିଚାଳକ ବାପୁ ଓଝାଙ୍କ ନେତୃତ୍ୱରେ ମୁଖ୍ୟ ଅତିଥିଭାବେ ପୂଜ୍ୟପୂଜା ସଂସ୍କୃତି ସୁରକ୍ଷା ଅଭିଯାନ ର ଅଧ୍ୟକ୍ଷ ବରିଷ୍ଠ ବରିଷ୍ଠ ସାମ୍ବାଦିକ ପ୍ରଦ୍ୟୁମ୍ନ ଶତପଥୀ ପତାକା ଧରି ସାଇକେଲ ଯାତ୍ରା ର ଶୁଭାରମ୍ଭ କରିଥିଲେ ,ଡୁଡ଼ନୁ ଫାଉଣ୍ଡେସନ ର ଅଧ୍ୟକ୍ଷା ଡ଼ ବନ୍ଦନା ହରିଚନ୍ଦନ, ଇନ୍ଦ୍ରଭୁବନ ଯାତ୍ରା ନାୟକ ସଞ୍ଜୟ ମାଝୀ , ମୋହିତ ଫାଉଣ୍ଡେସନ ର ମୁଖ୍ୟ ଉପଦେଷ୍ଟା ରୋହିତ କୁମାର ନାୟକ , ୟୁଥ ଗ୍ରୁପ ଚାରିଟେବୁଲ ଟ୍ରଷ୍ଟ ସଭାପତି ଦୀପକ ବାରିକ , ଭାରତ ଅଟୋ ମହାସଙ୍ଗ ସମ୍ପାଦକ ଅନିଲ ସାହୁ , ସାମାଜିକ ଯୁବ ସଂଗଠନ ସଭାପତି ଚିତ୍ତରଂଜନ ଦାସ, ଯୁବ ସମାଜସେବୀ ପ୍ରମୋଦ ଦେବ , ରକ୍ତଦାତା ତନ୍ମୟ ସାମନ୍ତରାୟ, ଭୁବନାନନ୍ଦ ସାମନ୍ତ , ଲକ୍ଷଣ ପାତ୍ର ,ରଜନୀକାନ୍ତ ବେହେରା ପ୍ରମୁଖ ସାଇକେଲ ଶୋଭାଯାତ୍ରା ରେ ଭାଗ ନେଇଥିଲେ, ଏହି ସାଇକେଲ ସଚେତନତା ପ୍ରତେକ ରବିବାର ହେବ ବୋଲି ଅନୁଷ୍ଠାନ ପକ୍ଷରୁ ସୂଚନା ଦିଆଯାଇଛି ।

Leave A Reply

Your email address will not be published.