କପିଳାସ ଚିଡ଼ିଆଖାନାରେ ରହିବ ପଲ ଗ୍ରହଣ କରୁ ନ ଥିବା ଛୁଆହାତୀ

0

ଓଡ଼ିଶା ଫାଷ୍ଟ(ବ୍ୟୁରୋ): ତିନି ଦିନ ତଳେ ବ୍ରହ୍ମପୁରରୁ ଉଦ୍ଧାର କରାଯାଇଥିବା ଛୁଆହାତୀଟିକୁ କପିଳାସ ଚିଡ଼ିଆଖାନାରେ ରଖାଯିବ ବୋଲି ରାଜ୍ୟ ବନ ବିଭାଗ ସ୍ଥିର କରିଛି। ବ୍ରହ୍ମପୁର ବନ ମଣ୍ଡଳ ଅନ୍ତର୍ଗତ ସୁରଳ ଉପକୂଳରେ ଥିବା ଏକ ଚିଙ୍ଗୁଡ଼ି ଘେରିରୁ ଉଦ୍ଧାର କରାଯାଇଥିବା ଏହି ୩ ମାସର ଛୁଆହାତୀକୁ ପଲରେ ଥିବା ହାତୀମାନେ ଆଉ ଗ୍ରହଣ କରୁନାହାନ୍ତି। ତେଣୁ, ଗତ ପଅର ଦିନ ରାତିରୁ ଛୁଆହାତୀକୁ ସେଠାକାର ବନ ବିଭାଗର ଟମଣା ବିଟ୍‌ ହାଉସ୍‌ରେ ଆଶ୍ରୟ ଦିଆଯାଇଥିଲା।
ଆଜି ସକାଳରେ ଗୋଟାଏ ୪୦୭ ଟ୍ରକ୍‌ରେ ସେ ଛୁଆହାତୀକୁ ବ୍ରହ୍ମପୁରରୁ ଢେଙ୍କାନାଳ ଅଭିମୁଖେ ଅଣାଯାଉଛି। ଛୁଆହାତୀ ସହ ପ୍ରାଣୀଚିକିତ୍ସକ ଏବଂ ବନ କର୍ମଚାରୀମାନେ ମଧ୍ୟ ଆସୁଛନ୍ତି। ସନ୍ଧ୍ୟା ୫ଟା ସୁଦ୍ଧା ସେମାନେ କପିଳାସସ୍ଥିତ ହାତୀ ଉଦ୍ଧାର କେନ୍ଦ୍ରରେ ପହଞ୍ଚିଯିବେ ବୋଲି ଆଶା କରାଯାଉଛି।

ଏହାପରେ ସେ ଛୁଆହାତୀକୁ କିଛି ଦିନ ଲାଗି ‘କ୍ୱାରେଣ୍ଟିନ୍‌’ରେ ରଖାଯିବ। ସେ କୌଣସି ରୋଗରେ ଆକ୍ରାନ୍ତ କି, ନାହିଁ ଜାଣିବାକୁ ତା’ର ରକ୍ତ ନମୁନା ପରୀକ୍ଷା କରାଯିବ ବୋଲି ଡିଏଫ୍‌ଓ ପ୍ରକାଶ ଚାନ୍ଦ ଗୋଗିନେନି କହିଛନ୍ତି।

bjd
Sikshaya
ruchi

Leave A Reply

Your email address will not be published.