୫୦ ପ୍ରତିଶତ କର୍ମଚାରୀଙ୍କୁ ନେଇ ଚାଲିବ ସରକାରୀ ଅଫିସ୍‌, ଶନିବାର ବନ୍ଦ ରହିବ କାର୍ଯ୍ୟାଳୟ

0

(ଓଡିଶା ଫାଷ୍ଟ) ବ୍ୟୁରୋ: କଟକ-ଭୁବନେଶ୍ୱର ପାଇଁ ଜାରି ହେଲା ନୂଆ ଗାଇଡ୍‌ ଲାଇନ୍‌ । ଟ୍ୱିନ୍‌ ସିଟିରେ ଥିବା ସମସ୍ତ ସରକାରୀ ଓ ସରକାରଙ୍କ ଅଧିନରେ ଥିବା ଅଫିସ୍‌ରେ ୫୦ ପ୍ରତିଶତ କର୍ମଚାରୀଙ୍କୁ ନେଇ କାମ ହେବ । କ୍ଲାସ୍‌ A ଅଫିସ୍‌ରଙ୍କ କ୍ଷେତ୍ରରେ ମଧ୍ୟ ଏହି ନିୟମ ଲାଗୁ । ଅକ୍ଟୋବର ମାସ ପାଇଁ ଏହି ନିୟମ ଲାଗୁ କରାଯାଇଛି । ତେବେ ୫୦ ପ୍ରତିଶତ କର୍ମଚାରୀ ରହିଲେ ମଧ୍ୟ ସରକାରୀ କାମ ପ୍ରଭାବିତ ହେବ ନାହିଁ ବୋଲି କୁହାଯାଇଛି । ଏହାସହ ଅକ୍ଟୋବରରେ ସାରା ରାଜ୍ୟରେ ସମସ୍ତ ସରକାରୀ ଅଫିସ୍‌ ଶନିବାର ବନ୍ଦ ରହିବ ବୋଲି ଘୋଷଣା କରାଯାଇଛି । ତେବେ ଅଫିସ୍‌ରେ କେଉଁ କର୍ମଚାରୀ କାମ କରିବେ ଓ କେଉଁ କର୍ମଚାରୀ ଘରେ ରହିବେ ସେନେଇ ଅଫିସ୍‌ ମୁଖ୍ୟ ଚୂଡ଼ାନ୍ତ କରିବେ । ପୋଲିସ ବିଭାଗ, ଏସ୍‌ଆର୍‌ସି ଅଫିସ୍, ଓଏସ୍‌ଡିଏମ୍‌ଏ, ଦମକଳ ବାହିନୀ, ସ୍ୱାସ୍ଥ୍ୟ ବିଭାଗ, ମୁନିସିପାଲିଟି ଏବଂ ଏହିଭଳି ଜରୁରୀ କାଳିନ ସେବା ଯୋଗାଉଥିବା ବିଭାଗ ଗୁଡ଼ିକରେ ନୂଆ ନିୟମ ଲାଗୁ କରାଯିବ ନାହିଁ । ଏହି ବିଭାଗରେ ୧୦୦ ପ୍ରତିଶତ କର୍ମଚାରୀ ‌କାମ କରିବେ ।

Leave A Reply

Your email address will not be published.