ଖୁବ୍‌ଶୀଘ୍ର ପିସିସି ସଭାପତି ପଦ ହୋଇପାରେ ପରିବର୍ତ୍ତନ, ଭବିଷ୍ୟତବାଣୀ କଲେ ସୁର

0

ଓଡ଼ିଶା ଫାଷ୍ଟ(ବ୍ୟୁରୋ): ଖୁବ୍‌ଶୀଘ୍ର ପିସିସି ସଭାପତି ପଦରେ ହୋଇପାରେ ପରିବର୍ତ୍ତନ । ଏହି ରେସ୍‌ରେ ଏବେ ଦଳର ୧୩ ଜଣ ଆଗ ଧାଡ଼ିର ନେତା ଅଛନ୍ତି। ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ଯାହାକୁ ଚାହିଁବେ ସେ ହେବେ ପରବର୍ତ୍ତୀ ପିସିସି ସଭାପତି। ଏପରି ଭବିଷ୍ୟବାଣୀ କରିଛନ୍ତି କଂଗ୍ରେସର ତୁଙ୍ଗ ନେତା ସୁର ରାଉତରାୟ।

ସେ କହିଛନ୍ତି, ସୋନିଆ ଓ ରାହୁଲ ଦେଶବ୍ୟାପୀ ପିସିସି ପରିବର୍ତ୍ତନ ନେଇ ବିଚାର କରୁଛନ୍ତି। ତେବେ ଓଡ଼ିଶାରେ ଏହି ପଦ ପାଇଁ ବହୁ ପ୍ରମୁଖ ଦାବିଦାର ଅଛନ୍ତି। ସେମାନଙ୍କ ମଧ୍ୟରେ ଶରତ ପଟ୍ଟନାୟକ, ଶରତ ରାଉତ, ପ୍ରସାଦ ହରିଚନ୍ଦନ, ଭକ୍ତ ଦାସ, ନରସିଂହ ମିଶ୍ର, ଚିରଞ୍ଜୀବୀ ବିଶ୍ୱାଳ ଓ ଜୟଦେବ ଜେନା ପ୍ରମୁଖ ଅଛନ୍ତି। କିନ୍ତୁ ଯୁବଗୋଷ୍ଠୀଙ୍କୁ ଦାୟିତ୍ୱ ଦେବା ଉପରେ ପ୍ରଧାନ୍ୟ ଦିଆଯିବ ବୋଲି କହିଛନ୍ତି ସୁର।

ତେବେ ନିଜେ ଏହି ଦୌଡ଼ରେ ଅଛନ୍ତି କି ପଚାରିବାରୁ ମନା କରିବା ସହ, ଯିଏ ସଭାପତି ହେବ ତାଙ୍କ ଅଧୀନରେ କାମ କରିବେ ବୋଲି କହିଛନ୍ତି। ତେବେ ଦେଖିବାକୁ ବାକି ରହିଲା କିଏ ରାଜ୍ୟରେ କଂଗ୍ରେସର ମଙ୍ଗ ଧରିବ।

Leave A Reply

Your email address will not be published.