ପୁଣି ଭାରତୀୟ ବଜାରକୁ ଫେରୁଛି କାମ୍ପା କୋଲା; ଜାଣନ୍ତୁ ଏହାର ଇତିହାସ, କାହିଁକି ହୋଇଥିଲା ବନ୍ଦ
ଭାରତୀୟ ବଜାରକୁ ପୁଣି ଫେରୁଛି ମୃଦୁ ପାନୀୟ କାମ୍ପା କୋଲା। ୫ ଦଶନ୍ଧି ପୂର୍ବରୁ ଦେଶର କୋଲା ବଜାରରେ ପ୍ରାଧାନ୍ୟ ବିସ୍ତାର କରିଥିବା ଆଇକନିକ୍ କାମ୍ପା କୋଲା ଚଳିତ ବର୍ଷ ଦୀପାବଳି ସୁଦ୍ଧା ପୁନର୍ବାର ଲଞ୍ଚ ହେବାର ସମ୍ଭାବନା ରହିଛି । ତିନୋଟି ଫ୍ଲେଭର ଅରିଜିନାଲ, ଲେମନ ଏବଂ ଅରେଞ୍ଜ ସହ କମ୍ ବ୍ୟାକ୍ କରିବ କାମ୍ପା ।
ତେବେ ବିଲିୟନେୟାର ମୁକେଶ ଅମ୍ବାନୀଙ୍କ ରିଲାଏନ୍ସ ଇଣ୍ଡଷ୍ଟ୍ରିଜ୍, କାମ୍ପା କୋଲା କମ୍ପାନୀକୁ ୨୨ କୋଟି ମୂଲ୍ୟରେ କ୍ରୟ କରି ନିଜ ଅଧୀନକୁ ନେଇଛି । ଚଳିତ ବର୍ଷ ଦୀପାବଳି ସୁଦ୍ଧା ଭାରତୀୟ ବଜାରରେ ଏହାର ପୁନର୍ବାନ ଲଞ୍ଚ ନେଇ ଲକ୍ଷ୍ୟ ରଖିଛି କମ୍ପାନୀ । କେମ୍ପା କୋଲାର ପୁନଃର୍ବାର ଲଞ୍ଚ ପରେ ଏହା ଆମେରିକୀୟ କୋକା କୋଲା(Coca Cola) ଏବଂ ପେପ୍ସି(Pepsi) ବ୍ରାଣ୍ଡକୁ ଟକ୍କର ଦେଇପାରେ, ଯେଉଁ କମ୍ପାନୀଗୁଡିକ ବର୍ତ୍ତମାନ ଭାରତୀୟ ବଜାରରେ ରାଜ୍ କରୁଛନ୍ତି । ତେବେ ରିଲାଏନ୍ସ FMCG(Fast-moving consumer goods) ବ୍ୟବସାୟକୁ ବ୍ୟାପକ କରିବା ପାଇଁ ରଣନୀତିର ଏକ ଅଂଶ ଭାବରେ କାମ୍ପା କୋଲାକୁ ନିଜ ଅଧୀନକୁ ନେଇଛି ।
ତେବେ ଆଇକନିକ୍ କାମ୍ପା କୋଲା ବ୍ରାଣ୍ଡ ଅରିଜିନାଲ, ଲେମନ୍ ଏବଂ ଅରେଞ୍ଜ ଫ୍ଲେଭର ସହ ପୁନଃର୍ବାର ବଜାରକୁ ଆସିବ ବୋଲି ଆଶା କରାଯାଉଛି । ରିଲାଏନ୍ସରୁ ଉତ୍ପାଦ କିଣୁଥିବା ରିଲାଏନ୍ସ ରିଟେଲ ଷ୍ଟୋର, ଜିଓମାର୍ଟ ଏବଂ ତେଜରାତି ଷ୍ଟୋରରେ ଏହି ଉତ୍ପାଦ ଉପଲବ୍ଧ ହେବ । ସୂଚନା ଅନୁଯାୟୀ, ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍(ରିଲ)ର ୪୫ତମ ବାର୍ଷିକ ସାଧାରଣ ସଭା(AGM)କୁ ସମ୍ବୋଧିତ କରିବାବେଳେ ରିଲାଏନ୍ସ ରିଟେଲ ଭେଞ୍ଚର୍ସ ଲିମିଟେଡ୍(RRVL)ର ନିର୍ଦ୍ଦେଶକ ଇଶା ଅମ୍ବାନୀ କହିଛନ୍ତି ଯେ, ‘‘ରିଲାଏନ୍ସ ରିଟେଲ ଚଳିତ ବର୍ଷ FMCG ବ୍ୟବସାୟ ଆରମ୍ଭ କରିବ । ଉତ୍ପାଦର ବିକାଶ ଏବଂ ବିତରଣ କରିବା ଏହି ବ୍ୟବସାୟର ଉଦ୍ଦେଶ୍ୟ’’ ।
Campa Cola ଇତିହାସ…
ତେବେ ଆଇକନିକ୍ କାମ୍ପା କୋଲା ବ୍ରାଣ୍ଡ ଅରିଜିନାଲ, ଲେମନ୍ ଏବଂ ଅରେଞ୍ଜ ଫ୍ଲେଭର ସହ ପୁନଃର୍ବାର ବଜାରକୁ ଆସିବ ବୋଲି ଆଶା କରାଯାଉଛି । ରିଲାଏନ୍ସରୁ ଉତ୍ପାଦ କିଣୁଥିବା ରିଲାଏନ୍ସ ରିଟେଲ ଷ୍ଟୋର, ଜିଓମାର୍ଟ ଏବଂ ତେଜରାତି ଷ୍ଟୋରରେ ଏହି ଉତ୍ପାଦ ଉପଲବ୍ଧ ହେବ । ସୂଚନା ଅନୁଯାୟୀ, ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍(ରିଲ)ର ୪୫ତମ ବାର୍ଷିକ ସାଧାରଣ ସଭା(AGM)କୁ ସମ୍ବୋଧିତ କରିବାବେଳେ ରିଲାଏନ୍ସ ରିଟେଲ ଭେଞ୍ଚର୍ସ ଲିମିଟେଡ୍(RRVL)ର ନିର୍ଦ୍ଦେଶକ ଇଶା ଅମ୍ବାନୀ କହିଛନ୍ତି ଯେ, ‘‘ରିଲାଏନ୍ସ ରିଟେଲ ଚଳିତ ବର୍ଷ FMCG ବ୍ୟବସାୟ ଆରମ୍ଭ କରିବ । ଉତ୍ପାଦର ବିକାଶ ଏବଂ ବିତରଣ କରିବା ଏହି ବ୍ୟବସାୟର ଉଦ୍ଦେଶ୍ୟ’’ ।
ଏହି ବ୍ରାଣ୍ଡର ସ୍ଲୋଗାନ ଥିଲା “ଦି ଗ୍ରେଟ୍ ଇଣ୍ଡିଆନ୍ ଟେଷ୍ଟ”, ଯାହା ଜାତୀୟତା ପ୍ରତି ଆକର୍ଷିତ ହୋଇଥିଲା । ପୁନଃର୍ବାର ୧୯୯୦ ଦଶକରେ ମୃଦୁ ପାନୀୟ ବଜାରକୁ ବିଦେଶୀ ନିଗମ ଫେରିବା ପରେ କାମ୍ପା କୋଲାର ଲୋକପ୍ରିୟତା ହ୍ରାସ ପାଇଲା ଏବଂ ପ୍ରତିଯୋଗିତାକୁ ବଜାୟ ରଖି ନ ପାରିବାରୁ ଧିରେ ଧିରେ ବଜାରରୁ ଗାଏବ ହୋଇ ଯାଇଥିବା କାମ୍ପା କୋଲା । ବର୍ତ୍ତମାନ, ଏହା କେବଳ ସୀମିତ ବଜାରରେ ପ୍ରଚଳିତ ହେଉଛି । ମାତ୍ର ବର୍ତ୍ତମାନ ଏହାକୁ ରିଲାଏନ୍ସ କ୍ରୟ କରିବା ପରେ ଭାରତୀୟ ବଜାରରେ ପୁନର୍ବାର ଦେଶୀ ବ୍ରାଣ୍ଡ ରାଜ୍ କରିବା ନେଇ ଆଶା କରାଯାଉଛି ।
