ବିବାହ ପାଇଁ ମିଥ୍ୟା ପ୍ରତିଶ୍ରୁତି ଦେଇ ଦୈହିକ ସମ୍ପର୍କ ରଖିବା ଅର୍ଥ ଦୁଷ୍କର୍ମ ନୁହେଁ

0

ଓଡ଼ିଶା ଫାଷ୍ଟ(ବ୍ୟୁରୋ): ବିବାହ କରିବାକୁ ମିଥ୍ୟା ପ୍ରତିଶ୍ରୁତି ଦେଇ ଦୈହିକ ସମ୍ପର୍କ ରଖିବା ଅର୍ଥ ଦୁଷ୍କର୍ମ ନୁହେଁ ବୋଲି ଓଡ଼ିଶା ହାଇକୋର୍ଟ ରାୟ ଦେଇଛନ୍ତି। ନିମ୍ନ ଅଦାଲତଙ୍କ ଦ୍ୱାରା ଜଣେ ଦୁଷ୍କର୍ମ ଅଭିଯୁକ୍ତଙ୍କ ଜାମିନ ଆବେଦନ ଖାରଜ ଆଦେଶକୁ ଖାରଜ କରି ଗୁରୁବାର ଦିନ ହାଇକୋର୍ଟ ଏ ଭଳି ରାୟ ଦେଇଛନ୍ତି।

ଜଣେ ୧୯ ବର୍ଷୀୟ ଝିଅର ଅଭିଯୋଗ ଆଧାରରେ ପୁଲିସ ସମ୍ପୃକ୍ତ ଅଭିଯୁକ୍ତଙ୍କୁ ଭାରତୀୟ ପିଙ୍ଗଳ‌ କୋଡ୍ ଦଫା ୩୭୬ରେ ବୁକ୍ କରିଥିଲା। ଝିଅଟି ଅଭିଯୋଗ କରିଥିଲା ଯେ ବିବାହର ପ୍ରତିଶ୍ରୁତି ଦେଇ ଓ ସରଳତାର ସୁଯୋଗ ନେଇ ବ୍ୟକ୍ତିଜଣକ ତାଙ୍କ ସହ ଦୈହିକ ସମ୍ପର୍କ ରଖି ତାଙ୍କୁ ଅନ୍ତଃସତ୍ୱା କରିଛନ୍ତି।

ମାମଲାର ଶୁଣାଣି କରୁଥିବା ହାଇକୋର୍ଟ ବିଚାରପତି ଜଷ୍ଟିସ୍ ଏସ୍‌କେ ପାଣିଗ୍ରାହୀ କହିଲେ ଯେ ବିବାହ ପାଇଁ ମିଥ୍ୟା ପ୍ରତିଶ୍ରୁତି ଦେଇ ଦୈହିକ ସମ୍ପର୍କ ରଖିବା ଦୁଷ୍କର୍ମ ନୁହେଁ। କାରଣ ଏ ଭଳି ଘଟଣା ଭାରତୀୟ ପିଙ୍ଗଳ କୋଡ୍‌ର ଦଫା ୩୭୫ରେ ନିର୍ଦ୍ଧାରିତ ଦୁଷ୍କର୍ମ ସଂଜ୍ଞା ପର୍ଯ୍ୟାୟଭୁକ୍ତ ନୁହେଁ।

ଜଷ୍ଟିସ୍ ପାଣିଗ୍ରାହୀ କହି‌ଛନ୍ତି ଯେ ଦଫା ୩୭୫ରେ ଲିଖିତ ଦୁଷ୍କର୍ମର ୭ଟି ସଂଜ୍ଞା ରହିଛି। ସେଗୁଡ଼ିକ ହେଲା, କହାର ଇଚ୍ଛା ବିରୋଧରେ, ବିନା ସମ୍ମତିରେ, ମୃତାହତ ହେବା ଭୟରେ ଦିଆଯାଇ ଥିବା ସମ୍ମତିରେ, ଭୁଲ୍‌ ବିଶ୍ବାସବଶତଃ ପୀଡ଼ିତା ଲୋକଟିକୁ ସ୍ୱାମୀ ବୋଲି ବିଚାରି ସମ୍ମତି ଦେଇଥିଲେ, ମାନସିକ ସ୍ଥିତି ଭଲ ନ ଥିବା ବେଳେ ବା ନିଶାସେବନ କରାଇ ନିଆଯାଇଥିବା ସମ୍ମତିରେ, ୧୮ ବର୍ଷରୁ କମ୍ ବୟସ୍କ ଝିଅର ସମ୍ମତିରେ ଏବଂ ପୀଡ଼ିତା ସମ୍ମତି ଜଣାଇବା ସ୍ଥିତିରେ ନ ଥିବା ସମୟରେ ଦୈହିକ ସମ୍ପର୍କ ରଖିବା ଦୁଷ୍କର୍ମ ବୋଲି ବିବେଚନା କରାଯାଏ।

Leave A Reply

Your email address will not be published.