୧୮ରୁ ଥରିବ ଓଡିଶା

0

ଓଡ଼ିଶା ଫାଷ୍ଟ(ବ୍ୟୁରୋ): ରାଜ୍ୟରେ ବଢିବ ଶୀତ । ଆହୁରି ଥରାଇବ । ଦକ୍ଷିଣ-ପଶ୍ଚିମ ବଙ୍ଗୋପସାଗର ଓ ଏହା ସଂଲଗ୍ନ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗରରେ ଏକ ଟ୍ରଫ୍‌ଲାଇନ୍‌ ସୃଷ୍ଟି ହୋଇଛି । ଯାହା ଫଳରେ ସୋମବାର ଆନ୍ଧ୍ର ଉପକୂଳ ଓ ତାମିଲନାଡ଼ୁର କିଛି ସ୍ଥାନରେ ବର୍ଷା ହେବା ନେଇ ଅନୁମାନ କରାଯାଉଛି । ଏହାଦ୍ୱାରା ଦକ୍ଷିଣ ଓଡ଼ିଶାର କିଛି ସ୍ଥାନରେ ଶୀତର ଲହରୀ ଅନୂଭୁତ ହେବ। ତେବେ ଆସନ୍ତା ୨ରୁ ୩ଦିନ ମଧ୍ୟରେ ରାଜ୍ୟରେ ପାଗର ବିଶେଷ ପରିବର୍ତ୍ତନ ହେବ ନାହିଁ । କିନ୍ତୁ ୧୮ ତାରିଖରୁ ତାପମାତ୍ରା କମିବ ଓ ଶୀତର ପ୍ରକୋପ ବଢ଼ିବ ବୋଲି ପାଣିପାଗବିତ୍‌ ପୂର୍ବାନୁମାନ କରିଛନ୍ତି ।

ସୋଆ ଜଳବାୟୁ ଓ ପାଣିପାଗ କେନ୍ଦ୍ର ନିର୍ଦ୍ଦେଶକ ଡ. ଶରତ ଚନ୍ଦ୍ର ସାହୁ ପୂର୍ବାନୁମାନ କରିଛନ୍ତି ଯେ, ସୋମବାର ରାଜ୍ୟରେ ପାଗ ଶୁଖିଲା ରହିବ । ହଠାତ ତାପମାତ୍ରା କମିବ ନାହିଁ । ୧୮ ତାରିଖରୁ ରାଜ୍ୟରେ ତାପମାତ୍ରା କମିବା ଆରମ୍ଭ ହେବ। ପାଖାପାଖି ୨ରୁ ୩ ଡିଗ୍ରୀ କମିବ । ଧୀରେ ଧୀରେ ଶୀତର ପ୍ରକୋପ ବଢ଼ିବ ବୋଲି ଡ. ସାହୁ ଆକଳନ କରିଛନ୍ତି।

ଅନ୍ୟପଟେ ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ରର ସୂଚନାନୁସାରେ, ଆସନ୍ତା ୩ରୁ ୪ଦିନ ପର୍ଯ୍ୟନ୍ତ ରାଜ୍ୟରେ ସର୍ବନିମ୍ନ ତାପମାତ୍ରାରେ ସେତେଟା ପରିବର୍ତ୍ତନ ହେବ ନାହିଁ। ଭୁବନେଶ୍ୱର ସବନିମ୍ନ ତାପମାତ୍ରା ୨୦ ଡିଗ୍ରୀ ସେଲସିୟସ୍‌ ରହିବ ବୋଲି କେନ୍ଦ୍ର ଆକଳନ କରିଛି ପାଣିପାଗ କେନ୍ଦ୍ର ।

ସୂଚନାଯୋଗ୍ୟ, ରବିବାର ରାଜ୍ୟର ୫ଟି ସହରର ସର୍ବନିମ୍ନ ତାପମାତ୍ରା ୧୫ ଜିଗ୍ରୀ ସେଲସିୟସ୍‌ ତଳେ ରହିଥିଲା । ସେହିପରି କୋରାପୁଟରେ ୧୩ ଡିଗ୍ରୀ ସେଲସିୟସ୍‌, ସୋନପୁରରେ ୧୩.୬ ଡିଗ୍ରୀ ସେଲସିୟସ୍‌, ଫୁଲବାଣୀରେ ୧୪ ଡିଗ୍ରୀ ସେଲସିୟସ୍‌ ଦାରିଙ୍ଗବାଡ଼ିରେ ୧୨.୫ ଡିଗ୍ରୀ ସେଲସିୟସ୍‌ ଥିବା ବେଳେ କୋରାପୁଟରେ ୧୩ ଡିଗ୍ରୀ ସେଲସିୟସ୍‌, ସୋନପୁରରେ ୧୩.୬ ଡିଗ୍ରୀ ସେଲସିୟସ୍‌, ଫୁଲବାଣୀରେ ୧୪ ଡିଗ୍ରୀ ସେଲସିୟସ୍‌ ଓ ଅନୁଗୁଳର ୧୪.୬ ଡିଗ୍ରୀ ସେଲସିୟସ୍‌ ତାପମାତ୍ରା ରହିଥିଲା ।

Leave A Reply

Your email address will not be published.