ତିନି ବର୍ଷ ପରେ ସନ୍ନି ଦେଓଲ ପୁଣି ଥରେ ବଡ ପରଦାରେ ଟକ୍କର ଦେବାକୁ ଆସୁଛନ୍ତି । ଗୁରୁବାର ସନ୍ନି ଦେଓଲଙ୍କ ପରବର୍ତ୍ତୀ ଚଳଚ୍ଚିତ୍ର ‘ଚୁପ୍’ (Chup) ର ମୋସନ ପୋଷ୍ଟର ରିଲିଜ ହୋଇଛି। ଏହି ଚଳଚ୍ଚିତ୍ରରେ ଅଭିନେତା ସନ୍ନି ଦେଓଲଙ୍କ ସହ ସହିତ ଦକ୍ଷିଣ ଚଳଚ୍ଚିତ୍ରର ଦମଦାର ଅଭିନେତା ଦୁଲକର ସଲମାନ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ। ଚୁପ୍ ମୋସନ ପୋଷ୍ଟର ସହିତ ଫିଲ୍ମ କେବେ ରିଲିଜ ହେବ ତାହା ମଧ୍ୟ ଘୋଷଣା କରାଯାଇଛି। ଚଳଚ୍ଚିତ୍ର ଚୁପ୍ର କାହାଣୀ ଚଳଚ୍ଚିତ୍ର ନିର୍ମାତା ଆର ବାଲ୍କି ଲେଖିଛନ୍ତି । ଆର ବାଲ୍କି ତାଙ୍କ କାହାଣୀ ପାଇଁ ପ୍ରଖ୍ୟାତ । ଏହି ଚଳଚ୍ଚିତ୍ର ଏକ ରୋମାଣ୍ଟିକ୍ ଏବଂ ସାଇକୋ ଥ୍ରୀଲର ଉପରେ ପର୍ଯ୍ୟବେଶିତ ।
ଚଳଚ୍ଚିତ୍ର ଚୁପ୍ରେ ସନ୍ନି ଦେଓଲ୍ ଏବଂ ଦୁଲକର୍ ସଲମାନଙ୍କ ବ୍ୟତୀତ ୯୦ ଦଶକର ସୁନ୍ଦରୀ ଅଭିନେତ୍ରୀ ପୂଜା ଭଟ୍ଟ ଏବଂ ଅଭିନେତ୍ରୀ ଶ୍ରେୟା ଧନନ୍ତରୀ ମଧ୍ୟ ଏକ ପ୍ରମୁଖ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରଟି ରାକେଶ ଝୁନଝୁନୱାଲା, ଅନିଲ ନାଇଡୁ, ଡକ୍ଟର ଜୟନ୍ତୀଲାଲ ଗଡା (ପେନ୍ ଷ୍ଟୁଡିଓ) ଏବଂ ଗୌରୀ ସିନ୍ଦେଙ୍କ ଦ୍ୱାରା ନିର୍ମିତ।
ଉଲ୍ଲେଖନୀୟ ଯେ, ନିକଟରେ ଦୁଲକର୍ ସଲମାନ୍ଙ୍କ ରିଲିଜ୍ ହୋଇଥିବା ଚଳଚ୍ଚିତ୍ର ସୀତା ରାମମ୍ ମୁକ୍ତିଲାଭ କରିଛି, ଯେଉଁଥିରେ ବଲିଉଡ ଅଭିନେତ୍ରୀ ମୃଣାଳ ଠାକୁର ଜଣେ ମୁଖ୍ୟ ଅଭିନେତ୍ରୀ ଭାବରେ ଅଭିନୟ କରିଛନ୍ତି। ଏହି ଚଳଚ୍ଚିତ୍ରଟି ବକ୍ସ ଅଫିସରେ ମଧ୍ୟ ଭଲ ପ୍ରଦର୍ଶନ କରିଛି ।
ଯଦି ଆମେ ସନି ଦେଓଲଙ୍କ ବିଷୟରେ କଥା ହେବା, ତେବେ ତାଙ୍କୁ ୨୦୧୯ରେ ରିଲିଜ୍ ହୋଇଥିବା ଫିଲ୍ମ Blank ରେ ଦେଖିବାକୁ ମିଳିଥିଲା । ଏଥି ସହିତ, ସେହି ବର୍ଷ ସେ ଫିଲ୍ମ ‘ପଲ-ପଲ ଦିଲ କେ ପାସ’ରୁ ପୁଅ କରଣ ଦେଓଲଙ୍କୁ ବଲିଉଡରେ ଅଭିନେତା ଭାବରେ ଲଞ୍ଚ କରିଥିଲେ। ଏହି ଚଳଚ୍ଚିତ୍ରଟି ନିଜେ ସନି ଦେଓଲ୍ ନିର୍ଦ୍ଦେଶନା ଦେଇଥିଲେ। ବର୍ତ୍ତମାନ ସନ୍ନିଙ୍କ ହାତରେ ଗଦର-୨, ସୂର୍ଯ୍ୟା ଏବଂ ବାପ ଭଳି ଚଳଚ୍ଚିତ୍ର ଅନ୍ତର୍ଭୁକ୍ତ ।
