କରୋନା ମହାମାରୀ ସହ ସାରା ବିଶ୍ବ ମୁକାବିଲା କରୁ ଥିବାବେଳେ ଟମାଟୋ ଫ୍ଲୁ କାୟା ବିସ୍ତାର କରିବାରେ ଲାଗିଛି । ଭାରତରେ ପିଲାମାନଙ୍କ ଠାରେ ଟମାଟୋ ଫ୍ଲୁ ବ୍ୟାପି ସାରିଥିବା ଲାନ୍ସେଟ ରିପୋର୍ଟ କରିଛି । ଦେଶରେ ବ୍ୟାପିଥିବା ବିଭିନ୍ନ ରାଜ୍ୟ ମଧ୍ୟରୁ ଓଡିଶା ମଧ୍ୟ ରହିଛି ।
ଓଡିଶାର ଶିଶୁମାନଙ୍କ ଠାରେ ଟମାଟୋ ଫ୍ଲୁ ଲକ୍ଷ୍ୟଣ ଦେଖାଯାଇଥିବା ନେଇ ଲାନ୍ସେଟ ଶ୍ବାସକ୍ରିୟା ଚିକିତ୍ସା, ଏକ ମେଡିକାଲ ପତ୍ରିକାରେ ପ୍ରକାଶ ପାଇଛି । ଟମାଟୋ ଫ୍ଲୁ ପ୍ରଥମେ କେରଳର କୋଲାମ ଜିଲ୍ଲାରେ ୬ ମଇ ୨୦୨୨ ରେ ଚିହ୍ନଟ ହୋଇଥିଲା ଏବଂ ଜୁଲାଇ ୨୬, ୨୦୨୨ ସୁଦ୍ଧା ଏହି ରୋଗରେ ୫ ବର୍ଷରୁ କମ୍ ୮୨ ରୁ ଅଧିକ ଶିଶୁ ସ୍ଥାନୀୟ ଆକ୍ରାନ୍ତ ହୋଇଥିବା ନେଇ ସରକାରୀ ଡାକ୍ତରଖାନା ଦ୍ବାରା ରିପୋର୍ଟ କରାଯାଇଥିଲା । ଲାନ୍ସେଟରେ ଏହା ପ୍ରକାଶ ପାଇଛି । ସେହିପରି ପ୍ରକାଶ ପାଇଥିବା ତଥ୍ୟ ଅନୁସାରେ, କେରଳର ଅନ୍ୟାନ୍ୟ ଅଞ୍ଚଳର ପିଲାମାନଙ୍କୁ ମଧ୍ୟ ଟମାଟୋ ଫ୍ଲୁ ବ୍ୟାପି ସାରିଛି । ପ୍ରଭାବିତ ଅଞ୍ଚଳଗୁଡ଼ିକ ହେଉଛି ଆଞ୍ଚଲ, ଆର୍ଯ୍ୟଙ୍କାଭୁ ଏବଂ ନେଡୁଭାଥୁର । କେରଳ ବ୍ୟତୀତ ତାମିଲନାଡୁ ଏବଂ ଓଡିଶାରେ ମଧ୍ୟ ଟମାଟୋ ଫ୍ଲୁ ବ୍ୟାପି ସାରିଥିବା ରିପୋର୍ଟ ହୋଇଛି ।
ଏହି ବିରଳ ଭାଇରାଲ୍ ସଂକ୍ରମଣ ଏକ ଏଣ୍ଡେମିକ୍ ଅବସ୍ଥାରେ ଅଛି ଏବଂ ଜୀବନ ପ୍ରତି ଏତେଟା ବିପଦ ନାହିଁ, ତଥାପି କରୋନା ମହାମାରୀର ଭୟାନକତାକୁ ଦୃଷ୍ଟିରେ ରଖି ଟମାଟୋ ଫ୍ଲୁ ରୋକିବା ପାଇଁ ସଜାଗ ରହିବା ଆବଶ୍ୟକ ବୋଲି ଲାନସେଟ୍ ରିପୋର୍ଟରେ ଦର୍ଶାଇଛି । ତେବେ ଟମାଟୋ ଫ୍ଲୁ ସଂକ୍ରମିତ ହେଲେ ଶରୀରରେ ଲାଲ ରଙ୍ଗର ଯନ୍ତ୍ରଣାଦାୟକ ଫୁଲା ହୋଇଥାଏ, ଯାହା ଧୀରେ ଧୀରେ ବୃଦ୍ଧି ପାଇଥାଏ । ରିପୋର୍ଟ ଅନୁଯାୟୀ, ଏହି ଫୁଲା ମଙ୍କିପକ୍ସ ସହ ମଧ୍ୟ ସାମାନ୍ୟ ସାମଞ୍ଜସ୍ୟ ରହିଥାଏ ।
ରିପୋର୍ଟରେ, ଲାନସେଟ୍ କହିଛି, ହାତ, ପାଦ ଏବଂ ପାଟି ରୋଗର ସମାନତାକୁ ଦୃଷ୍ଟିରେ ରଖି ଯଦି ପିଲାମାନଙ୍କରେ ଟମାଟୋ ଫ୍ଲୁ ରୋଗ ନିୟନ୍ତ୍ରଣ ଏବଂ ପ୍ରତିରୋଧ ନହୁଏ, ତେବେ ବୟସ୍କମାନଙ୍କଠାରେ ବିସ୍ତାର କରି ସଂକ୍ରମଣ ଗୁରୁତର ପରିଣାମ ଆଣିପାରେ । ଧ୍ୟାନ ଦେବା ଜରୁରୀ, ପ୍ରତିରକ୍ଷାରେ ଅକ୍ଷମ ବୟସ୍କମାନଙ୍କ ଠାରେ ମଧ୍ୟ ସଂକ୍ରମଣ ଧରିବାର ବିପଦରେ ଅଛନ୍ତି ।
